टूट पुलिया होइ सकत दुर्घटना

जिला चित्रकूट, ब्लाक रामनगर, गांव करौदी कला। हिंया के मड़ई कहिन कि पांच फुट पुलिया टूट हवै। पुलिया बनवावै खातिर मड़ई प्रधान बाबूलाल से 28 अप्रैल का मांग करिन। प्रधान बाबूलाल भरोसा दिहिस कि पुलिया बनवा दीन जई। गांव के कल्लू, बिट्टी अउर रानी का कहब हवै कि पुलिया टूट होय के कारन छोट बच्चा बूढ़ मड़ई अउर जानवर घुस सकत हवैं। या पुलिया से रोजै के हजारन मड़ई आवत जात हवै। यहै से कउनौ भी समय बड़ी घटना का हमेशा डेर बना रहत हवै। अगर प्रधान पुलिया बनवा दे तौ हमार समस्या खतम होइ सकत हवै। प्रधान बाबूलाल का कहब हवै कि पुलिया बनवावैं खातिर खाता मा रूपिया नहीं आय। यहै पुलिया नहीं बनी हवै। रामनगर ब्लाक के बी. डी. ओ. राकेश सोनी का कहब हवै कि सरकार कइती से बजट अई तौ पुलिया प्रधान से कहिके बनवा दीन जई।