रामबाई
जिला महोबा, ब्लाक कबरई, गांव करहरा कला। एते के अभिलाषा अपने जिन्दगी के बारे में कछू एसो बताउत हे।
अभिलाषा बताउत हे कि मोई शादी जुलाई 2013 में हीरालाल के साथे भई हती। जभे से मोई शादी भई तभई सेे हीरालाल मोय साथे मारपीट करत हे। कहत हे कि ते अपने मायके चली जा नई तो में तोये जान से मार देहों। ऊने कहो कि मोओ बाप खत्म हो गओ हतो। मताई आपन मेहनत मजदूरी कर पेट चलाउत हे। एई से में आपने मायके नई जात हों कि मारने हो हे तो मार डारे। अभिलाषा कि मताई रामबाई ने कहो कि मारपीट की दरखास हमने एस.पी. खा दई हती। जीखो फैसला 22 जुलाई 2014 खा होने हतो, मं अभिलाषा खा लिबाउन ससुराल कराहरा गई तो ससुराल वालेन ने फिर मारो हे। अभिलाषा के आदमी हीरालाल ने कहो कि में ऊखे नई मारत हों। ऊ बाप भाई से अलग रहें खा कहत हे।