जर जर इमारत में पढ़त लड़का

कालेज खे जर-जर इमारत

जिला महोबा, ब्लाक चरखारी, कस्बा चरखारी। एते बनो राजकीय इण्टर कालेज पचासन साल से जर-जर पारो हे। जीमें हजारन लड़का पढ़त हें। जीखे देखे से लागत हे कि जभे से जा कालेज चलन लगो तभे से पुताई ओर मरम्मत नई भई आय।
कस्बा के वहीद खान ने बताओ कि ई कालेज लगभग मोये देखत में 2002 से चलत हे। जभे से ई इमारत बनी होहे तभई से मरम्मत तो दूरी पोताई भी नई भई आय। कालेज की खिड़कियन में लगे कांच टूट के पूरे मैदान में फेलत हें। तनक सी हवा चलत हे तो कांच टूट के गिर जात हे। जीसे कोनऊ भी घटना हो सकत हे।
जिला विद्यालय निरीक्षक अधिकारी मंशाराम ने बताओ कि अगर कालेज के प्रधानाचार्य पुताई और मरम्मत खा बजट की मांग करत हें तो दओ जात हे। नई तो एसे बजट नई दओ जात आय। बाकी जानकारी कालेज के पिं्रसपल से कर सकत हे।