कलावती
जिला चित्रकूट, ब्लाक पहाड़ी, गांव अशोह। हिंया के कलावती कहिस कि हमरे जमीन मा महेन्द्र कुमार घर बना लिहिस हवै। वहिसे मना करत रहौं तौ 15 दिसम्बर 2013 का लड़ाई करत रहै। वा उल्टा मोरे खिलाफ थाना मा दरखास लिखा दिहिस हवै। थाना वाले मोहिका 16 दिसम्बर 2013 का बोलाइन रहैं।
पहाड़ी थाना के छोट दरोगा सियाराम का कहब हवै कि समझौता करा दीन जई। अगर न मनिहैं तौ कारवाही कीन जई।
गांव के कलावती का कहब हवै कि महेन्द्र कुमार से परेशान होइगें हौं। एक बरस से वा मोरे जमीन मा घर बनाये हवै। अगर मैं कहत हौं कि मोरे जमीन छोड़ देव तौ लड़त हवै। मैं कहां जाव। मोर सुनवाई करैं वाला कउनौ नहीं आय। काहे से कि अब मैं अपने जमीन मा घर बनवावै चाहत हौं।
महेन्द्र कुमार का कहब हवै कि कलावती मोहिका एक हाथ जमीन दइ दे। फेर वा आपन घर बनवा सकत हवै। मोहिसे कउनौ मतलब नहीं आय।