जिला महोबा, ब्लाक जैतपुर, अजनर थाना क्षेत्र के एक गांव की एक दलित महिला प्रधान को आरोप हे कि गांव के ही फूलचन्द्र रामपाल, इन्द्रपाल (पुत्र हरलाल) ने मोये ओर मोई लड़की साथे छेड़खानी करी हे। ईखी रिपोर्ट अजनर थाना में करी हे।
महिला प्रधान बताउत हे कि लेखपाल फूलचन्द्र के घर में बेठ के ओला वृष्टि की चेक बांटत हतो। तभई मोओ आदमी गओ ओर बाहर सार्वजानिक जघा में बेठ के बांटे खा कहो। ई सब गाली गलौज करन लगे। मोये पता चलो तो में ओर मोई लड़की लेखपाल मनोज सक्सेना से आपन आदमी की चेक मांगी। तभई हरलाल लोधी, ओर परसु के लड़कन के कहे से रामपाल मोये ओर मोई लड़की खा पकर के अपने भीतर ले गओ। मोये सब कपड़ा उतर गये। मोओ आदमी बचाउन आओ तो ऊखे बन्दूक के बट से मारो हे। ईखी रिपोर्ट दरखास अपर एस.पी. डाक्टर रामयश खा दई हे। ओते रिपोर्ट लिखे को अश्वासन मिलो हे। एस.ओ. राजीव यादव कहत हे कि अभे डाक्टरी रिपोर्ट नई आई हे। जीसे मुकदमा नई लिखो हे।