खबर लहरिया औरतें काम पर छेड़खानी के कोशिश

छेड़खानी के कोशिश

जिला चित्रकूट, ब्लाक रामनगर, गांव नांदिन कुर्मियान। हिंया के एक औरत कहिस कि 2 अक्टूबर 2014 के रात मा देवी का हवन कइके अपने घर जात रहै। पड़ोस मा रहैं वाले बाल गोविंद,नंदू सिंह सनी अउर चुनकावन वहिका पीछे से पकड़ लिहिन। यहिके रपट राजापुर थाना मा 3 अक्टूबर 2014 का लिखाइगे, पै अबै तक कउनौ कारवाही नहीं भे आय।
गांव के एक औरत का कहब हवै कि गांव के ही रहैं वाले चार लोग मोहिका जबरजस्ती पकड़ लिहिन अउर छेड़खानी करैं के केशिश करिन। मैं हल्ला करेंव तौ आस पास के मड़ई हल्ला सुन के बचावैं खातिर आय रहै। अगर गांव के मड़ई न पहुंचत तौ पता नहीं कि का होत। मोर मनसवा थाना मा रपट भी नहीं लिखावैं देत रहै। काहे से कि मनसवा उंई चारौ लोगन के साथै जुंआ खेलत हवै अउर दारु पियत हवै। मैं हिम्मत कइके राजापुर थाना मा गइंव अउर रपट लिखाये हौं। मैं आपन नियाव लइके रहिहौं। राजापुर थाना के बड़े दरोगा केशव प्रसाद दुबे का कहब हवै कि उंई चारौ लोगन के खिलाफ धारा 354 आई. पी. सी. लाग हवै।