छेड़खानी की एस.पी. खा दई दरखास

जिला महोबा, ब्लाक जैतपुर, कुलपहाड़ कोतवाली, क्षेत्र के एक गांव की परीक्षा देके वापस आउत समय लड़कन ने छेड़खानी करी हती। ईखी रिपोर्ट लिखाउन कोतवाली गये, पे कोतवाली के दरोगा ने डांट के भगा दओ। जीसे पत्रकारन ने ऊ दरोगा खा हटवायें के लाने एस.पी. खा दरखास दई हे। लड़की बताउत हती की 23 फरवरी खा गृह विज्ञान को पेपर देके वापस आउत हती। तभई दो लड़का मोटर साइकिल लये ठाड़ हते। कहत हते की तोओ नाम का हे। मेने नाम बतायें से मना करो तो जबरजस्ती करन लगे। जभे खूब लड़किया आ गईं तो ऊ आपन नाम संदीप पस्तौर भटेवर खुर्द को रहें वालो बताओ। जा बात मेंने अपने घर में बताई तो कुलपहाड़ कोतवाली रिपोर्ट लिखाउन गये, ओते के दरोगा ध्यान सिंह ने पीडि़ता परिवार ओर पत्रकारन के साथे अभ्रता से बात करी ओर रिपोर्ट न लिखके थाना से भगा दओ। ईखी दरखास कुलपहाड़ सी.ओ. खा दई हे। जीसे मुकदमा लिख कारवाही करी जाये। 24 फरवरी खा पत्रकारन ने महोबा एस.पी. हरिश्चन्दर खा दरखास देके दरोगा ध्यान सिंह खा हटायें की मांग करी हे।
महोबा एस.पी. हरिशचन्दर ने दरखास लेके जांच के के बाद  कारवाही करें को अष्वासन दओ हे। कुलपहाड़ सी.ओ. खा जांच करें को आदेश दओ हे।