जिला महोबा, ब्लाक जैतपुर, गांव अकौना। एते के आदमियन को आरोप हे कि हमाये एते जोन 2014 में ओला वृष्टि की चेके बांटे हते। उमें कछू किसान छूट गए हते। जिनखा अभे तक मुआवजा कि नई मिली आय
बिरेन्द्र ओर नत्थूराम कहत हे की हम पहले भी छूट गये हते ओर अब भी छूट गये ह अब जोन सूखा राहत की चेके 2015 में बंटी हती। उमे भी हमे चेक नई मिली आये। जिके लाने कैऊ दइया हम तहसील मुआवजा के लाने मांग करी हे, पे कोनऊ काम नई बनो आये।
बिजगोपाल ओर रामदुलारी कहत हे की हमाये इते को जोन लेखपाल मुआवजा के चेके बनाउत हे ऊखा जिसे पैसा मिल गओ उखी चैक बना देत हे।
किसान यूनियन की जिला अध्यक्ष चन्द्रकली कहत हे की मोये एते के किसान परेशान हे में चुप कैसे रहे सकत हो कछू ना कछू तो मोखे करने आहे। लगभग सौ किसान भटकत हे चेक के लाने लेखपाल कालीदेव सुनत नई आये इसे हम तहसीलदार के पास आई हो अगर तहसीलदार न सुनहे तो हम रोड जाम करहे या अनशन पे बैठ जेहे हे। अपनी बात पूरी करा खे रहे।
तहसीलदार राम जी कहत हे की हमने ऊ गांव का सर्वे कराओ हे। जितने लोग छूटे हे उन का नाम लिख मे लिखो हे। उनका पैसा उनके खाते में डाल दओ जेहे।
रिपोर्टर – सुरेखा राजपुत ओर श्यामकली
