चेक खातिर तहसील के चक्कर

जिला चित्रकूट, ब्लाक मऊ, कस्बा मऊ। हिंया के किसान बसंतलाल का कहब हवै कि बेमौसम बारिस अउर ओला परैं से फसल खराब होइगे। लेखपाल माताबदल डेढ़ महीना पहिले सर्वे करिस,पै अबै चेक नहीं मिला। यहै से मऊ तहसील के चक्कर लगावत हौं।
कस्बा के बच्चालाल यादव कहिस कि पांच बीघा जमीन मा गेंहूं अउर अरहर बोये रहौं। वा सबै खराब होइगे। सरकार कइती से चेक नहीं मिला आय।
लेखपाल माताबदल का कहब हवै कि अबै सर्वे चलत हवै। सर्वे पूर होय के बाद सूची बना के तहसील मा भेज दीन जई।
मऊ तहसीलदार कतवारुराम का कहब हवै कि मऊ ब्लाक के बयालिस गांव मा किसानन का चेक दीन गे हवैं। जउन किसानन का चेक नहीं मिला आय। उनका चेक आवैं के बाद मिली।