जिला चित्रकूट, ब्लाक मानिकपुर, गांव करौंहा पाठा क्षेत्र के या इलाका मा आये दिन डाकुवन के दहसत के देखे का मिलत हवैं गरीबन के ऊपर अत्याचार अउर मारपीट करत हवैं। तबहूं शासन प्रशासन कउनौ ठोस कदम नहीं उठावत आय।
25 अक्टूबर का पूर्व प्रधान श्यामलाल के घर डाकू घर खोला के सब मड़इन का बहुतै मारपीट करिन हवैं। श्यामलाल के ऊपर आरोप हवै कि वा पुलिस का मुखबिर आय यहै कारन घटना से पहिले वहिका जेल भेज दीन गा हवैं। बसपा विधायक सहायता करे का कहिन हवै।
श्यामलाल के मेहरिया श्यामकली बताइस कि रात के करीबन 11 बजे रहै तबै डाकू दरवाजा खटखटाइन तौ मैं के मारे दरवाजा नहीं खोलेव तौ उई धमकी देत रहै। तबै मैं डेर के मारे दरवाजा खोल दीयेव। तौ उई सीधे मोर मुंह मा टाच लगाइन अउर मार पीट शुरु कइ दिहिन।
हम नहीं पहिचाइत कि उंई को आहीं उंई कहत रहै कि हम डाकुवन के मुखबरी करित हु यहै कारन उंई मोहिका जबै तक बेहोश नहीं हो गइंव तबै तक मार्रिन हवैं। पता नही हमें को सरकारी अस्पताल भर्ती कराइन हवैं।
रिपोर्टर-नाजनी रिजवी
28/10/2016 को प्रकाशित
