खबर लहरिया चित्रकूट चित्रकूट जिले में पिता-पुत्र को ट्रक ने मारी टक्कर पिता की मौत, पुत्र घायल

चित्रकूट जिले में पिता-पुत्र को ट्रक ने मारी टक्कर पिता की मौत, पुत्र घायल

15 दिसम्बर का सुबेरे सात बजे चित्रकूट के पहाड़ी ब्लाक के नांदी चौराहा मा मोटरसाइकिल से आवत बाप बेटा का ट्रक टक्कर मार दिहिस जेहिसे बाप जगदीश के तुरतै मउत होइगे अउर बेटा श्रवण घायल होइ गा हवै। वाहिका सरकारी अस्पताल मा भर्ती करावा गा हवै।
जगदीश के भाई रामदीन का कहब हवै कि पहाड़ी ब्लाक के सामने कमरा हवै वहिका बनावे खातिर मोर भाई सुबेरे सात बजे घर से निकला रहै तबै एक्सीडेंट होइ गा हवै। घटना देखे वाला कुलदीप कुमार त्रिपाठी बताइस कि राजापुर से ट्रक कर्वी कइत जात रहै। उंई लोहदा से आवत रहैं तौ ट्रक के बीचों बीच आगें जेहिसे येत्ती बड़ी घटना होइ गें हवै।
राजापुर सीओ सुरेश शर्मा का कहब हवै कि ट्रक लापरवाही से आवत रहै तौ मोटरसाइकिल का टक्कर मार दिहिस हवै। ट्रक का कब्जा मा लइ लीन गा हवै ड्राइवर फरार हवै। दोषिन के खिलाफ कारवाही कीन जई।
रिपोर्टर-नाजनी रिजवी

Uploaded on Dec 15, 2017