खबर लहरिया चित्रकूट चित्रकूट जिले की रसोइया ने लगाया शिक्षक पर बलात्कार का आरोप

चित्रकूट जिले की रसोइया ने लगाया शिक्षक पर बलात्कार का आरोप

कहत हवै कि आज का लड़का कल का भविष्य आय। पै जबै भविष्य बनावै वालेन के ऊपर बलात्कार जइसे घिनौनी हरकत का करै का आरोप लागै तौ कसत होइ आज अउर आवै वाले कल का भविष्य?
ताजा मामला चित्रकूट जिला का आय। जहां एक खाना बनावै वाली रसोइया मास्टर के ऊपर एक साल से डेरवा के अउर धमकी दइके बलात्कार करै का आरोप लगाइस हवै। छह महीना का बच्चा ठहर अक्टूबर 2017 से मास्टर स्कूल नहीं आवत आय।
रसोइया बताइस कि जबै मैं आफिस चावल ले गई रहिहौं तबै वा मास्टर पीछे से  दरवाजा बंद कइके मोरे साथै जोर जबरजस्ती करिस तबै मै मना कीनेहौं, तौ मोहिका साहू ददुआ बदमाश के धमकी देत रहै अउर मोर बात न मनिहैं, तौ मैं  तोहिका नौकरी से निकाल देहूं। मोरे छोट-छोट लड़का हवै मै कहां जइहौं, यहै बात का फायदा उठाके वा मोरे साथै छह महीना तक बलात्कार करिस हवै। या बात का सुन के मोर घर वाले भी मोरे ऊपर विश्वास करत आहीं। मोर मनसवा कम दिमाक का हवै। अब बताओ कि मैं कहां जइहौं।
प्रधान उमाकांत ओझा बताइस कि मैं एक दिन मास्टर से पूछेहौं कि स्कूल काहे नहीं जातेव तौ वा मास्टर जवाब दिहिस कि मैं एक काम मा फंसा हौं, अबै मैं स्कूल न अइहौं।
सीओ राजापुर सुरेश प्रसाद शर्मा का कहब हवै कि मेडिकल रिपोर्ट अउर सबै जांच होय के बादै पता सच्चाई का पता लागी।
या दोनों साथै रहै का राजी हवै कि नाहीं,आगे फेर कोर्ट का मामला बनीं।

 रिपोर्टर- सुनीता देवी     

Published on Feb 17, 2018