चित्रकूट के राजपुर क़स्बे में ऐतिहासिक तुलसी स्मारक की नहीं हो रही सफाई और मरम्मत

जिला चित्रकूट, ब्लाक रामनगर क़स्बा ,राजापुर हिंया के रहै वाले लोगन का आरोप हवै कि तुलसी स्मारक मा गंदगी रहत हवै। दूसर बात स्मारक के हालत बहुतै ख़राब हवै। यहिके मरम्मत करवावै खातिर सरकार का कउनौ चिंता नहीं आय।
लालू का कहब हवै कि 10 अगस्त का तुलसीदास के जयंती हवै। हिंया घूूमैै खातिर दूर दूर से घूूमै खातिर मड़ई आवत हवै। सुमन देवी का कहब हवै कि ग्यारह साल से चौकीदारी करत हौंै। पहिले तीन सौ रुपिया मिलत रहै,पैै अब पन्द्रह सौ रुपिया होइगा हवै। तीन बच्चा हवै। येत्ते रुपिया मा हमार खर्चा नहीं चल पावत हवै। चंद्रभान का कहब हवै कि बीघा जमीन मा तुलसी स्मारक बना हवै। हिंया कउनौ अधिकरी कत्तौ ध्यान नहीं देत हवै कि आखिर हमार पुरान ऐतिहासिक इमारत का,का हाल हवै। यहिके मरम्मत करावै खातिर महोबा जिला के रहै वाले ठेकेदार अजय विक्रम लीने हवै। अब वा तुलसी स्मारक के मरम्मत करवाई। पवन का कहब हवै कि या साल तुलसी स्मारक का पुरातत्व विभाग का दइ दीन गे हवै। वा अपने संरक्षण मा लइ लिहिस हवै। चेयरमैन लक्ष्मी प्रसाद वर्मा का कहब है कि सरकार के तरफ से स्मारक के मरम्मत करवावैै खातिर बजट नहीं आवत हवै। अगर बजट अई तौ तबहिंने स्मारक के मरम्मत होई सकत हवै। यहिके खातिर अपने से तौ कुछौ नहीं कींन जा सकत आय। यहिके खातिर रुपिया होय के जरूरत हवै। तुलसी दास के जयंती जनता के सहयोग से मनाई जात हवै।