चित्रकूट के मऊ ब्लॉक के सेमरा मजरा का स्कूल खस्ता हालत में

जिला चित्रकूट, ब्लाक मऊ, गांव सेमरा और अतरी मोजरा का प्राथमिक स्कूल के बाउंड्री नहीं बनी अउर बिल्डिंग भी जरजर हवै। स्कूल के बाउंड्री बनवावै खातिर मऊ बी आर सी विभाग मा कहा गा पै कउनौ ध्यान नहीं दीन गा हवै।
स्कूल मा पढ़ै वाले बच्चा सचिन का कहा हवै कि बाउंड्री न होय का कारन बच्चा बाहर निकर जात हवै अउर कुआ झाँकत हवै यहिसे बच्चा कुआ मा गेर सकत हवै अगर बाउंड्री बन जाये तो या समस्या खतम होइ सकत हवै । स्कूल मा खाना बनावै वाली रसोइया ऊषा देवी का कहब हवै कि खाना बनाइत हन तौ जानवर भीतर घुस के खाना खा जात हवै।यहिसे समस्या होत हवै । बाहर से मड़ई घुस आवत हवै तौ चूल्हा तोड़ देत हवै।
स्कूल के हेडमास्टर अवधेश इंद्र नारायण का कहब हवै कि स्कूल बनवावै खातिर बी. आर. सी. विभाग मा कहे हौं, पै कउनौ ध्यान नहीं दीन गा हवै । एकै कमरा मा सबै बच्चन का बइठ के पढावै का परत हवै।यहिसे बच्चन के पढ़ाई मा असर परत हवै । अगर स्कूल के बाउंड्री बन जाये तौ हमार समस्या ख़तम होई सकत हैं। मऊ बी. आर. सी. विभाग के सह समनवयक मार्तण्ड शुक्ल कहिन कि स्कूल के बाउंड्री बनवावै खातिर लिखित भेज दीन गे हवै । बजट अई तौ बनवाई जई ।