खबर लहरिया चित्रकूट चित्रकूट के मऊ ब्लाक के परदवा गाँव में तीस साल की माया देवी की बेदर्दी से हुई ह्त्या

चित्रकूट के मऊ ब्लाक के परदवा गाँव में तीस साल की माया देवी की बेदर्दी से हुई ह्त्या

जिला चित्रकूट, ब्लाक मऊ, गांव परदवां हिंया का रहै वाला बच्ची लाल कहिस कि माया देवी के उम्र लगभग तीस साल रहै। वहिके जमीन खातिर 2 अगस्त का हत्या कइ दीन गे। यहिसे पहिले भी माया देवी के साथै हत्या करै वाले मड़ई दुइ दरकी छेड़खानी करिन रहै। यहिके रपट मऊ थाना मा वहिका मनसवा लिखाइस रहै,पै पुलिस कउनौ सुनवाई नहीं करिस रहै।
माया देवी के मनसवा बच्ची ला ल का कहब हवै कि मोर औरत माया देवी का जमीन खातिर परिवार के चंदा, बुफई अउर बौरा 2 अगस्त का कुल्हाड़ी मार के हत्या कइ दिहिन हवै। वा दिन माया देवी रोज के जइसे बकरी चरावै जंगल गई रहै। उंई तीनौ वहिके पीछे लाग गें। पहिले उंई वहिके मूड़ मा कुल्हाड़ी मारिन। यहिके बाद गर्दन मरोर दिहिन। वा दिन मैं मऊ क़स्बा मा रुपिया निकारे खातिर बैंक गे रहौं। जउन औरत का मारिन हवैं उंई जमीन खातिर चार साल से लड़ाई करत रहैं। यहिसे पहिले माया देवी के साथै छेड़खानी करिन रहैं तौ मऊ थाना मा रपट लिखाये रहौं,पै पुलिस कही देत रहै कि कुछ नोट पानी देव तौ सुनवाई कीन जई।
माया देवी के लड़की सीमा कहिस कि जबै मोर महतारी का मारिन हवै तबै मैं स्कूल मा पढ्त रहौं। गांव के सविता कहिस कि वा दिन जइसेन माया देवी घर से निकरी रहै तौ वहिके पीछे उंई तीनौ भी गे रहैं। उंई जमीन खातिर वहिके जान लइ लिहिन हवै।
रिपोर्टर-सुनीता देवी 
08/08/2016 को प्रकाशित

चित्रकूट के मऊ ब्लाक के परदवा गाँव में तीस साल की माया देवी की बेदर्दी से हुई ह्त्या