जिला चित्रकूट,ब्लाक रामनगर,गांव इटवा। हिंया के कोल आदिवासी बस्ती विकास के मुख्य धारा से नहीं जुड़ पायी आय।यहै कारन हिंया के मड़ई अबै भी बिजली, पानी, सड़क जइसे जरूरी सुविधा से कोसन दूर हवैं।बीडीओ बहादुर सिंह का कहब हवै कि मनरेगा के तहत जउन विकास के काम हवैं जल्दी करायें जइहैं। 2016-17 मा इक्यानवे प्रधानमंत्री आवास दीन गे हवै।
हेमराज का कहब हवै कि हिंया बिजली आये न सड़क बनी आय बरसात मा छोट-छोट बच्चा कीचड़ मा गिर जात हवैं।हमरे गांव मा स्वास्थ्य केंद्र नहीं आय जेहिसे डिलेवरी खातिर मेहरियन का बहुतै परेशानी होत हवै आशा बताइस कि हमें दुइ किलोमीटर से पानी लावें का पड़त हवै।सुनील कुमार रामशरण सिंह अउर रामप्रताप बताइस कि मड़इन का चार पीढ़ी से रहत होइ गे तबहूं रास्ता उबड़-खाबड़ हवै अधिकारी सर्वे करै आवत हवै अउर चले जात हवै पै कुछौ विकास नहीं होत आय।
बाईलाइन-नाजनी रिजवी
Published on Nov 5, 2017
