खबर लहरिया बुंदेलखंड घर खाली करे खे गई नोटिस

घर खाली करे खे गई नोटिस

mahoba photo kasbaजिला महोबा, ब्लाक जैतपुर, कस्बा बेलाताल, रेलवे स्टेशन। एते लगभग पचीस घर हे, जोन पचास साल पूराने बने हे। अभे लगगभग छह महिना पेहले ऊ घरन खे खाली करे खे तहसीलदार ने नोटिस भेज दई हे। एई से ओते के रहे वाले आदमी बोहतई परेशान रहत हे, ओर जमीन मे मुकदमा लड़त हे।
कस्बा के रहे वाले भूरालाल शंकर ओर रामरती ने बताओ कि ऊ बोहतई पुरानी ग्राम समाज के जमीन आय। पचास साल पेहले जभे हमाए एते को प्रधान मन्टीलाल हतो जोन खतम हो चुको हे। ऊने हमाए ई जमीन मे घर बनवाए हते। अब पचास साल से हम एते घर बना के रहत हे। तहसीलदार हरजाना भरे खे नोटिस भेजी हे ओर जमीन खाली करे खे कहत हे। रामरती ने बताओ कि मोए जमीन को हरजाना चार लाख बीस हजार रुपइया आओ हे।
भूरालाल ने कहो कि मोए जमीन को तीन लाख आओ हे। हम गरीब आदमी इत्तो रूपइया कहां से देए। जभे हमे मार डारहे तभई घर खाली हो हे। एई से मुकदमा लड़त हे।
जैतपुर लेखपाल अशोक विश्वकर्मा ने बताओ कि जीमे घर बने हे ऊ डेढ़ बीघा जमीन गऊ चारा की आय। अभे हाईकोर्ट से आदेश आओ हे कि जमीन खाली कराई जाय। जा 132 सारक्षी जमीन हे । जीमे कभऊ भी कारवाही करी जा सकत हे। कुलपहाड़ तहसीलदार सतीश चन्द्र कहो कि जमीन 115 वी के अन्र्तगत धारा 122 के तहत कारवाही चलत हे।