नये भारत का एक नवा रूप देखे का मिला हवै। गैस सिलेंडर तौ आयी हवै पै मड़इन के घर तक नहीं पहुंचाई जात आय, मड़इन का खुदै सिलेंडर लें आवें का पड़त हवै। यहै कारन मड़ई मांग करिन हवै कि गैस के होम डिलीवरी कीनजायें।या समस्या चित्रकूट जिला के रानीपुर,सीतापुर अउर खोही समेत कइयौ गांव के आय।
रामलखन अग्रवाल बताइस कि तीन घंटा पहिले सिलेंडर ले आये रहेहौं पै अबै तक सिलेंडर नहीं मिला आय। सफैल का कहब हवै कि तीन बजें से सिलेंडर खातिर बइठ हौं इनतान के ठंडी मा ठिठुरित हन पै सिलेंडर नहीं मिला आय। दिगम्बर दुबे का कहब हवै कि आफिस मा फोन करके पूछे रहेव तौ कहत रहै कि तीन बजे तक रामघाट मा सिलेंडर आ जई पै छह बजत हवै पै अबै तक सिलेंडर नहीं आवा आय। कर्वी के गैस एजेंसी मैनेजर इंद्रजीत पांडे का कहब हवै कि सिलेंडर रखै खातिर जल्दी कमरा ढूढ़ा जई। जेहिसे मड़इन का सिलेंडर ले मा परेशानी न होय।
रिपोर्टर: नाजनी रिजवी
published on Dec 21, 2017
