खबर लहरिया चित्रकूट गर्मी मा पानी के बड़ी जरूरत

गर्मी मा पानी के बड़ी जरूरत

karvi pani ki samasyaजिला चित्रकूट, ब्लाक रामनगर, कस्बा राजापुर, माधौगंज मुहल्ला वार्ड नम्बर चार। हिंया आठ हजार आबादी हवै। दुइ हजार मड़ई सप्लाई नल का कनेक्ष्न लीने हवै, पै सप्लाई नल मा पानी नहीं आवत। यहिके खातिर मड़ई 9 जून का तहसील दिवस मा लिखित दरखास दिहिन।

मुहल्ला के सुनील मिश्रा, मुन्ना करवरिया, संतोष अउर श्रीेेेकेशन यादव का कहब हवै कि पियै खातिर बूंद बूंद पानी का तरसित हन। सप्लाई नल लाग हवै। वहिमा पानी नहीं आवत आय। यहिसे एक किलो मीटर दूर सड़क के किनारे लाग हैण्डपम्प से पानी लइत हन। यहिसे एक्सीडेंट का खतरा भी बना रहत हवै। सप्लाई नल मा पानी आवै लागै तौ पानी के समस्या से न जूझै का परै। अबै तौ तहसील दिवस मा एस. डी. एम. का लिखित दरखास दीने हन। अगर फेर भी सप्लाई नल मा पानी न अई तौ डी. एम. का लिखित दरखास देइबे।

राजापुर एस. डी. एम. अभयराज कहिन कि कर्वी जल संस्थान मा लिखित पहुंचा दीन गे हवै।

कर्वी जल सस्ंथान के सहायक अभियन्ता डी. एम. तिवारी कहिन कि यहिके लिखित मिली हवै। जांच कइके देखा जई कि पानी काहे नहीं पहुंचत आय।