खबर लहरिया औरतें काम पर गर्भवती का पीट पीट के मारि डारै कै आरोप

गर्भवती का पीट पीट के मारि डारै कै आरोप

जिला फैजाबाद, ब्लाक तारुन, क्षेत्र हैदरगंज ग्रामसभा कोरोराघवपुर मजरा गरडि़याडीह। हिंआ कै दिनेष भारती कै मेहरारू लगभग तीस साल के आषा का 20 जुलाई का षाम के लगभग पांच बजे घर के बगल सरकारी नल पै पानी लियै गै रहिन। वहि पहिले से बैठे षिवकुमार सिंह व सत्येन्द्र पुरान मुकदमा के सुलह के ताई लाठी डण्डा से मारिन जेसे सामुदायिक स्वास्थ्य केन्द्र लै जात समय आषा कै मउत होइगै।

घरवाले कै आरोप बाय कि गर्भवती मेहरारू आषा चीखत चिल्लात रहिन लकिन इनके सब पीट-पीटके मार डारिन। चीखै कै आवाज सुनिके उनकै ननद षन्नू घरवाले धान लगावै गा रहे उनका जानकारी दिहिन। पेट पै मारै से बेहोष होय गइन। उनके पेट मा पांच महीना कै गेदहरा रहा। घरवाले स्वास्थ्य केन्द्र पहुंचाइन जहां जबाब होइगा। जिला अस्पताल लै जाए पै डाक्टर मृत घोषित कै दिहिन। इनके सबकै कहब बाय कि आषा के पति दिनेष कै एक पैर रेलगाड़ी से कइयौ साल पहिले कटि गै रहा जेसे सारी जिम्मेदारी आशा देखत रहीं।

हैदरगंज थानाध्यक्ष पीएन तिवारी कै कहब बाय कि मृतका के ससुर रामकेवल के तहरीर पै मुकदमा अपराध संख्या 151/15 धारा 504 (गाली गलौज) 308, 304 (गैर इरादतन हत्या) आई.पी.सी. व एससीएसटी एक्ट के तहत मुकदमा दर्ज कीन गै बाय। एक आरोपी का गिरफ्तार कै लीन गै बाय। दुसरे कै तलास जारी बाय।