अपर एस.पी. रामयश सिंह
जिला महोबा, ब्लाक कबरई, कस्बा कबरई। एते जघा-जघा आदमी जुआं खेलत नजर आउत हे। पुलिस ई चीजन में पर्दा डारे हे।
कबरई कस्बा के आदमी कहत हे कि पुलिस मिल के खुद जुआं शराब जेसो काम कराउत हे। अगर कोनऊ शिकायत करें जात हे तो ऊखे खुद डांट के भगा देत हे। अगर ज्यादा करत हे तो अपने होमगार्ड खा भेजत हे। ऊ सौ पचास रूपइया लेके लौट आउत हे। कबरई को आदमी ज्यादातर जुंआ शराब में बरबाद हे। आपने परिवार तक खा तक नई देखत हे।
कछू ओरतन को आरोप हे कि अगर हम मना करत हे तो हमाये आदमी हमंे मारत हे। पुलिस के एते जात हे तो ऊ परिवार को मामला कहके भगा देत हे। ऊखे तो का हे सरकारी वेतन मिलत हे ओर एते ओते से भी मिल जात हे।
अपर एस.पी. रामयश सिंह से ई मामला में बात करी तो ऊने तुरतई कबरई एस.ओ. चंचल यादव खा फोन करके डांट लगाई। साथे जुआं ओर शराब में के ऊमें कड़ी नगर राखे खा कहो।