अस्पताल में संजना को परिवार
जिला महोबा, ब्लाक कबरई, गांव इटवां। एते की संजना 5 मार्च 2014 खा आगी लागें से जल गई हे। संजना खा इलाज बांदा के जिला अस्पताल में चलत हे।
संजना ने बताओ कि में 5 मार्च 2014 खा सुबेरे लगभग सात बजे खाना बनाउत हती। तभई मोये आगी लाग गई। खाना बनाउत में आगी कभे लाग गई पता नई चलो आय। आगी से मोई पूरी देह जल गई हे। जभे में जलन लगी तभे में चिल्लाई। चिल्लाये खे आवाज सुन के ससुराल वालेन ने आगी बुझाई हे। अब संजना कोनऊ काम करें खे लायक नई बची आय। संजना कहत हे कि मोये छोट-छोट दो बिटिया हें। ऊ दोनऊ इत्तो रोउत हें कि ऊखे रोये खे आगे में आपन पीरा भूल जात हों। लागत हे कि कभे नींक हो जेहों। मोओ ससुराल मध्य प्रदेश को गौहानी गांव आय।”
सास श्याम श्री को कहब हे कि मोई बहू संजना खाना बनाउत समय जल गई हे। रोये खे आवाज सुन के हम गये, ओर आगी बुझाई हे। बड़ी मुश्किल से आगी में काबू मिल पाओ हे।