खबर लहरिया औरतें काम पर खाना खर्चा का लड़त मुकदमा

खाना खर्चा का लड़त मुकदमा

badokhr ganva mahila mudda जिला बांदा, ब्लाक बड़ोखर खुर्द, गांव बड़ोखर खुर्द। सदमा से भरी रानी आपन महतारी साथै प्रधान न्यायालय के दुआरे मा बइठ रहै। पूछैं मा पता लाग कि वहिका मनसवा पहलवान दूसर शादी कइ लिहिस है। या मारे वा खाना खर्चा का मुकदमा लड़त है।
रानी के महतारी राजकुमारी का कहब है कि मैं आपन लड़की के शादी लगभग 20 साल पहिले नरैनी ब्लाक के बिल्हरका गांव मा पहलवान साथै कीने रहौं। शादी के बाद कुछ दिन लड़की ससुराल मा रही अउर दुई बच्चा भे, पै दूनौ भगवान का प्यारे होइगे। या कारन लड़की का बहुतै गहरा सदमा पहुँचा  अउर वा बीमार होइगे। तबै ससुरल वाले मइके भेजा दिहिन अउर कुछ दिन बाद पता चला कि पहलवान दूसर शादी कर लिहिस है। यहिसे अब 10 साल होइगे। खाना खर्चा का मुकदमा लड़त हन अउर लड़की के दिमागी हालत अब अउर भी सोच के मारे खराब है, तौ वहिका कानपुर मा इलाज चलत है, पै अबै तक कउनौ फैसला नहीं भा आय। अब पहलवान कहत है कि मैं राखैं का तैयार हौं अउर दूसर शादी भी नहीं मानत, पै जब वा दूसर शादी कइ लिहिस है, तौ अब हम आपन लड़की का न भेजब अउर घर बइठे खाना खर्चा लइबे।
मनसवा पहलवान कहिस कि मैं दुसर शादी नहीं करे आहूं। उंई झुठ आरोप लगवत हैं रानी का राखैं का तैयार हैं उंई खुदै नहीं भेजत आय।