पानी के बताउत समस्या
जिला महोबा, ब्लाक कबरई,गांव ननौरा, वार्ड नम्बर एक, पटेल मोहल्ला। ई मोहल्ला में एक हैण्डपम्प हे। जोन तीन साल से खराब हे। ऊखो सामान निकार के धर दओ हे। जीसे मोहल्ला के लगभग एक हजार आदमी पानी का एते ओते भटकत हें ।
एते के र वाले राहुल, मनोज, संतोष, रमाकान्त, सोकिया, मीरा ओर चन्द्रा ने बताओ कि जा मोहल्ला में एक हैण्डपम्प हे। ऊ भी तीन साल से खराब परो हे। हमें पानी लेन गांव के बाहर एक किलोमीटर दूर जाने परत हे। जीसे साइकिल से पानी लाउत हें , ओर नहाय धोंय ओतई जात हें । प्रधान से केऊ दइयां कहो हे तो ऊ कहत हे कि ईखो रिबोर हो गओ हे, पे हमें पता नइयां के कभे रिबोर भओ हे।
प्रधान कौशिल्या देवी के आदमी छबलाल ने बताओ कि ओते गुलाब धोबी के द्वारे में हैण्डपम्प लगो हे। ऊ हैण्डपम्प के पानी गली में आउत हे, जीसे ओते के आदमी लड़त हें । ओर पूरे मोहल्ला में पानी नई निकरत आए। जीसे दूसरे हैण्डपम्प लगवाये जा सकें । एई से टंकी बनवायें के लाने मेने शासन निधि को तीन दइयां प्रस्ताव बना के भजो हे, पे कोनऊ सुनवाई नई भई हे।