खबर लहरिया बाँदा किसी की शादी का सामान तो किसी की कमाई हुई राख, बाँदा जिला के सराँँय जदीद गांव में आठ घर हुए राख

किसी की शादी का सामान तो किसी की कमाई हुई राख, बाँदा जिला के सराँँय जदीद गांव में आठ घर हुए राख

28 मार्च का बांदा जिला के सरांय जदीद गांव मा दुपाहरी के दुई बजे आगी लागे से आठ घर जल के राख होइगे हैं। मड़इन का कहब है कि हमार दस लाख का नुकसान भा है। प्रशासन लिख के लइगे है,पै मुआवजा के कउनौ जानकारी नहीं आय। मड़ई अउर जानवरन के खाये पिये के कउनौ व्यवस्था नहीं आय। घर के साथ पूरी गृहस्थी जल के राख होइगे है। गांव में मड़ई खाए पिये के मदद करत हैं।
कल्लू खां का कहब है कि हम बाहर रहे हन पता नहीं कसत आगी लाग है। जबै तेजी से आगी के लफ्फा उड़े लाग तौ आगी लागै का पता चला है। गांव के सबै मड़ई आगी बुझावै मा मदद करिन हैं। बाद मा मशीन आई है।
नसरीन बताइस कि आगी पीछे से लाग है। वा समय हम शादी मा गये रहे हन। कुछ सामान नहीं निकाल पायें आहीं। समसुन का कहब है कि घर का सामान अउर शादी का सामान जेवर तक जलके राख होइगें हैं। शासन कउनौ मदद नहीं करत आय। कसत आपन लड़की के शादी करिहौं। इम्तियाज हुसैन बताइस कि आठ घर जलगें हैं। एक घर का लाख डेढ़ लाख का नुकसान भा है, तौ सबै घर का दस बारह लाख का नुकसान होत है। शासन कउनौ आश्वासन नहीं दिहिस आय।  नायब तहसीलदार रामकिशोर शुक्ला का कहब है कि सात मड़इन के ज्यादा मकान जले हैं। एक के लकड़ी बस जली है। जांच कइके रिपोर्ट भेज दीने है।एक घर का बत्तीस सौ के सहायता दीन जात है।

रिपोर्टर- गीता

Published on Mar 29, 2018