खबर लहरिया चित्रकूट किराया तौ बढ़ा, पै सुविधा नहीं

किराया तौ बढ़ा, पै सुविधा नहीं

karvi kasba smallजिला चित्रकूट, ब्लाक मानिकपुर रेलवे स्टेशन। हिंया के प्लेटफार्म नम्बर चार मा एक बरस से पानी के व्यवस्था नहीं आय अउर शौचालय मा भी साफ सफाई नहीं रहत हवै। या कारन हजारन मड़ई परेशान हवैं। यहिके खातिर कइयौ दरकी रेलवे विभाग मा कहा गा, पै कउनौ सुनवाई नहीं भे।
   मानिकपुर रेलवे स्टेशन के प्रबन्धक जवाहर लाल कहिन-“सरकार बजट तौ लागू कइ दिहिस हवै। एक हफ्ता के बाद पानी अउर साफ सफाई के व्यवस्था कइ दीन जई।”
  •  जमुनापार के रहैं वाली सोनम का कहब हवै कि सम्पर्क क्रांति से दिल्ली जाये का रहै। यहै से दुपहरी से बइठ हन। पेशाब करै खातिर जाये का रहै, पै शौचालय मा सफाई नहीं आय। या कारन पेट फूलै लाग रहै।
  • इलाहाबाद जाये वाली रेहाना अउर रानी का कहब हवै कि सरकार टिकट का किराया तौ बढ़ा दिहिस हवै, पै चार नम्बर प्लेटफार्म मा कउनौ सुविधा नहीं आय। सरकार का बस किराया लें से मतलब रहत हवै। मड़इन का, का सुविधा हवै। वहिसे कउनौ मतलब नहीं आय।