खबर लहरिया महोबा किते गओ स्वाच्छ भारत अभियान

किते गओ स्वाच्छ भारत अभियान

sauchalye ki khabar panvadi kasba copy

जिला महोबा, ब्लाक पनवाड़ी, कस्बा पनवाड़ी,वार्ड नम्बर पन्द्रह। एते के लगभग दस आदमी हे। जीखी उमर सत्तर साल के साथे विकलांग भी हे। आदमी शौचालय की मांग करत हे। प्रधान कोनऊ सुनवाई नई करत हे।
पानू ओर विनीता साहू बताउत हे की हमाई उमर बीत गई। आज तक प्रधान ने हमाये शौचालय नई बनवाये हे। हम लोग एक किलोमीटर दूरी पे शौच के लाने जात हे। अभे कछू आदमियन की जमीन खाली परी हे तो ज्यादा परेशानी नई होत हे, प्रधान से हमने केऊ दइयां कहो हे, पे कोनऊ की नई सुनत हे।
विनीता साहू बताउत हे की मोओ आदमी ओर लड़का विकलांग हें। बैसाखी लेके चलत हे। जीसे रात बिरात टट्टी के लाने बोहतई परेशानी होत हे। हम गरीब आदमी मेहनत कर परिवार को पेट चलाउत हे। इत्तो रूपइया नइयां की हम शौचालय बनवा सकन। प्रधान भी हमाई गरीबन की नई सुनत हे।
प्रधान अखिलेश को आदमी संजय दुबे बताउत हे की मेने मार्च में लगभग नौ सौ शौचालय को प्रस्ताव बना के ब्लाक में दओ हे। जेसई बजट आ जेहे तो शहरी जेसे दो गड्ढन वाली शौचालय बनवाई जेहे।