खराब सोलर लाइट
जिला सीतामढ़ी, प्रखण्ड, पंचायत बथनाहा, गांव मजगमा, वार्ड नम्बर सात। उहां लगभग पांच साल से सोलर लाइट खराब हई। लेकिन कोई अधिकारी के ध्यान आई तक न हई।
उहां के लोग रामआश्रय राय ,मीना देवी ,कौशल्या देवी सब कहलथिन कि इ सोलर लाइट सार्वजनीक जमीन मे चापाकल के सामने हलल हई। रात विरात बड़ा दिक्कत होई छई। नाम ला इ लाईट हललइ ,मात्र एक साल केइसहु बरलई, ओकरा बाद से खराबे हई। एकर मरम्मत हो जइतियई त बड़ा ठीक होइतियई।
मुखिया पंकज झा कहलथिन कि हमरा रिजन से पहिले इ सोलर लाईट हललई। हमरा रिजन मे अतई तब न हम दोसर लाईट लगवा देवई या मरम्मत करा देवई। पूर्व मुखिया सरधा देवी कहलथिन कि हम त इ काम करबइली लेकिन हम न जनली कि इ हाल हो जतई।
प्रखण्ड विकास पदाधिकारी कलमुदीन कहलथिन कि यई समस्या पर कारवाई चल रहल हई। हमरा सब के सब काम करे के लेल आदेश हई लेकिन सोलर लाईट के लेल आदेश न हई।