कर्जा भरै, आवा नोटिस

जिला बांदा, ब्लाक तिन्दवारी, गांव मूंगुस। हेंया के राधा स्वयं सहायता समूह के तेरह औरतैं 5 जनवरी का डी.एम. का दरखास दइके नियाव के गोहर लगाइन हैं।
दरखास दें आई समूह के अध्यक्ष रीता अउर उपाध्यक्ष कुंता कहिन कि पिपरगवां का नरेन्द्र तीन साल पहिले राधा स्वयं सहायता मा तेरह औरतन का जोडि़स। पचास रूपिया का महीना किश्त जमा करैं खातिर नरेन्द्र का रूपिया दई देत रहन। राधा अउर नरेन्द्र दूनौ रूपिया वसूल लई जात रहैं। लगातार दुई साल किश्त जमा कीन। 30 दिसबंर का नौ हजार प्रति औरत के हिसाब से यू.पी. ग्रामीण बैंक तिन्दवारी से किश्त न भरैं के नोटिस भेजी गे। बैंक पता करैं गयेन तौ बैंक करमचारी कहिन कि अगर तीन महीना के भीतर किश्त न भरी गे तौ सोलह हजार जमा करैं का परी। यहिसे दरखास दइके डी.एम. से कर्ज माफ कइके नरेन्द्र अउर राधा के ऊपर कानूनी कारवाही कीन जाय। डी.एम. सुरेष कुमार कहिन कि उंई तिंदवारी बी.डी.ओ.का कारवाही करैं का आदेष दिहिन। तिन्दवारी बी.डी.ओ. ओ.पी. षुक्ला कहिन कि नरेन्द्र से पूंछतांछ कइके कारवाही करिहैं।
नरेद्र कहिस कि जेत्ते रूपिया जमा कीन हैं। उनका बैंक मा जमा कइके रसीद दीने हौं।