खबर लहरिया औरतें काम पर करिन मारपीट

करिन मारपीट

जिला चित्रकूट, ब्लाक पहाड़ी, गांव अशोह। हिंया के मिथला अउर संगीता का आरोप हवै कि 26 फरवरी का पड़ोस मा रहैं वाले अमित, सुनील अउर अंकुश मापरपीट करिन हवैं। यहिके रपट पहाड़ी थाना मा लिखाये हन, पै अबै कउनौ कारवाही नहीं भं आय।
मिथला अउर संगीता का कहब हवै कि हम अपने दुआरे मा नाली खोदत रहेन। अमित कुमार, सुनील अउर अंकुश आ के मारपीट करैं लाग। हम दूनौं लोगन के खपरी फाट गे हवै। दूसर बात हमरे अंदरुनी चोटै भी आई हवैं। हम उंई लोगन से बहुतै परेशान होइगे हन। पुलिस उनके खिलाफ कउनौ कारवही नहीं करत आय।
अमित कुमार, सुनील अउर अंकुश से बात करै के कोशिश कीन गे, पै बात नहीं भे आय।
पहाड़ी थाना के मुंशी प्रकाश दोहरे कहिन कि उनके खिलाफ 323(मारपीट) 504(गालीगलौज)506 (जान मारै के धमकी) के धरा लाग हवैं।