जिला महोबा, ब्लाक पनवाड़ी, गांव चुरारी। एते की रेखा पुत्री शिवराम 10 जून खा महोबा परामर्श केन्द्र आई हती। समझौता ने करें पे कचहरी के बाहर आदमी विनय ओर देवर अंगद ने मारपीट करी हे। जीखी रिपोर्ट महिला थाना मे करी हे।
रेखा बताउत हे कि मोई शादी 18 जून 2012 खा हमीरपुर जिला के मामना गांव मे बिनय के साथे भाई हती। जीमें तीन लाख रूपइया नगद ओर दान दहेज दओ। शादी के बाद से दो दइयां नींक से राखो। ऊखे बाद 2013 मे बिनय की पुलिस में नौकरी लग गई। ऊ एक लाख रूपइया ओर मोटर साइकिल मांगन लगो। देय से मना करो तो 4 फरवरी 2015 खा ससुराल वालेन ने मिलके मारो हतो ओर कमरा मेे बन्द कर दओ। बाप खा फोन करके बुलाओ तो ऊखे भी गाली गलौज करी ओर जान से मारे की धमकी देके घर से भगा दओ। 10 जून खा परामर्श केन्द्र में समझौता खा आई हती। समझौता न करे पे कचहरी के बाहर मारो हे। महिला थाना के एस.आई. संगीता सिंह बताउत हे की अभे ऊखी दरखास मिली हे। ओर जांच चलत हे। जांच के बाद कारवाही हो हे।