जिला चित्रकूट, ब्लाक रामनगर, कस्बा रामनगर। हिंया प्राथमिक स्वास्थ्य केन्द्र मा बच्चा पैदा करावैं वाली औरतन का आरोप हवै कि केन्द्र मा कउनौ सुविधा नहीं आय। यहिसे औरतन का समस्या आवत हवै।
बसिंघा गांव के आशा कार्यकर्ता कल्ली बिसौंधा गांव के सुंदी अउर अनीता का कहब हवै कि केन्द्र मा पलंग के चादर बहुतै गंदे रहत हवैं। यहिसे पलंग के चादर रोज बदलै तौ सफाई रही। बच्चा पैदा करावैं वाली औरतन से दस्ताना बाहर से मंगावा जात हवै।
दवाई भी बाहर से खरीदै का परत हवै। नाम खातिर प्राथमिक स्वास्थ्य केन्द्र हवै। सरकार तौ गर्भवती अउर बच्चा पैदा करावैं वाली औरतन खातिर हर सुविधा सेंत मा कीने हवै, पै वहिकर लाभ कउनौ भी औरतन का नहीं मिलत आय।
रामनगर प्राथमिक स्वास्थ्य केन्द्र के डाक्टर गिरीश कुमार पाण्डेय का कहब हवै कि जउन दवाई केन्द्र मा रहत हवै। वा दीन जात हवै।
