खबर लहरिया बुंदेलखंड एक साल बाद होत सफाई

एक साल बाद होत सफाई

जा हाल महोबा को

जा हाल महोबा को

जिला महोबा जेसे शहर में सफाई को जभे कोनऊ ध्यान नई देत आय। गांव मोहल्ला को का हाल हो हे। इ्र गन्दगी में पानी बरसे से बोहतई आदमियन खे बोहतई परेशानी आउत हे।
जगमोहन, जयकरन, धन्शू, नितेश, रामकेश ओर मुन्ना लाल ने बताओ कि परमानन्द तिराहे में पुलिया बनी हे। जीखी एक साल में सफाई नई भई आय। जीसे एक घण्टा पानी बरसे से पूरा परमानन्द चैराहा, जिला अस्पताल ओर लगभग डेढ़ सो दुकाने पानी में भर जाती हे। जीसे जाम लाग जात हे ओर दुकानन में खड़े होय की जगह तक नई रहत आय। छोटी सी नाली बनवा दई हे जभे कि कागज में नाला बनो दिखाओ हे। जीसे गन्दगी होय से पूरा पानी नाली से नई बह पाउत हे जीसे हमें बोहतई परेशानी आउत हे।
महोबा सफाई निदेशक रामसेवक ने बताओ कि एते सफाई कर्मीयन की कमी हे जीसे पूरे महोबा में सही से सफाई नई हो पाउत हे। अभे सफाई कर्मीयन खा संिबदा में रख के हर साल के जेसे बरसात के दो महीना पेहले पूरे महोबा की नाला ओर नालियन की सफाई कराई जात हे जीसे पानी आदमियन के भीतर न जा सके।