खबर लहरिया औरतें काम पर एक औरत का आरोप-आरोपी खुलेआम घूमत

एक औरत का आरोप-आरोपी खुलेआम घूमत

जिला चित्रकूट, ब्लाक मऊ, कस्बा मऊ का एक गांव। हिंया के एक औरत का आरोप हवै कि गांव रहैं वाला छोटा नाम का मड़ई 23 मार्च का वहिके साथै बलात्कार करिस हवै। यहिके रपट बरगढ़ थाना मा लिखाइगे, पै पुलिस अबै कउनौ कारवाही नहीं करिस हवै।
गांव के एक औरत का कहब हवै कि रोज के जइसे खेत मा टट्टी करैं गे रहौं। पड़ोस मा रहैं वाला छोटा आ के मोहिका पकड़ लिहिस। यहिके बाद मोरे साथै बलात्कार करिस हवै। ऊपर से जान मारैं के धमकी देत रहै। कहत रहै कि अगरकउनौ से या बात के चर्चा करिहै तौ तोहिका जान से मार देहूं। जबै मैं घर लउट के आयेंव तौ अपने महतारी बाप से या बात का बतायेंव। यहिके रपट थाना मा लिखाये हौं। पुलिस आरोपी के खिलाफ कउनौ कावाही नहीं करिस हवै।
बरगढ़ थना के मुंशी हनुमान प्रसाद का कहब हवै कि आरोपी के खिलाफ 376 (बलात्कार) 504(गाली गलौज) अउर 506(जान मारै के धमकी) के धारा लाग हवैं।