एकै रात छह घरन मा चोरी

जिला चित्रकूट, मऊ, कस्बा खण्डेहा। हिंया के मुकुंदलाल का आरोप हवै कि 6 नवंबर के रात मा लगभग एक बजे मोरे घर समेत छह घरन मा चोरी होइगे हवै। यहिके रपट 7 नवंबर का मऊ थाना मा लिखाइगे, पै चोर का कउनौ पता नहीं लाग हवै।
ननकावन अउर कुबेरलाल का कहब हवै कि एक रात मा छह घर मा चोरी होय से मड़इन के दिल मा दहशत बनी हवै। काहे से कि एकै रात मा छह घरन मा चोरी होब मायने राखत हवै। मड़ई सोचत हवै कि कत्तौ यहिनतान हमरे घरन मा भी चोरी न होइ जाये। या पुलिस प्रशासन खातिर एक चुनौती हवै। चोर हमार जेवर अउर नगदी रुपिया अउर लैपटाॅप चोरा लइगें हवै। बड़ी मेहनत से गृहस्थी इकट्टा कीने रहेन। वा थोइ देर मा सबै चोरी चला गा हवै। हमार मेहनत मा पानी फेर गा हवै। मऊ थाना के दरोगा शिववचन सिंह कहिन अज्ञात मा मुकदमा लिखा हवै।