खबर लहरिया बाँदा एंटी रोमियों दस्ते की मार, मनचलों या दिलबरों पर

एंटी रोमियों दस्ते की मार, मनचलों या दिलबरों पर

जिला बांदा, कस्बा बांदा मुख्यमंत्री योगी आदित्यनाथ एंटी रोमियो दल बनाइन हैं। पै या दल बने से बिटिया अउर मेहरिया अउर ज्यादा परेशान है। महरियन का कहब है कि योगी तुम्हार राज मामेहरिया बिटिया सुरक्षित नहीं आय। गाय बस सुरक्षित है। अउर बूचडखाना मा गाज गिरी अउर लड़का बिटियन के ऊपर भी गाज गिरी है।
सीमा बताइस कि पुलिस का कइसे पता चली कि रोमियो जात हैअगर मैं आपन भाई के साथ भी जात हौं तौ पुलिस का कसत पता चली कि वा मोर भाई आय कि दोस्त आय।
सनत कुमार बताइस कि पुलिस इनतान सब लड़कन का पकड़त है तौ उनके कैरियर का दाग, लाग जई अउर उंई डिप्रेशन मा भी आ सकत हैं लक्ष्मी देवी का कहब है कि जउन लड़का बिटिया आपन मर्जी से दोस्ती करत है पुलिस अउर न्यूज वालेन का उनसे मतलब न होवा चाहीं।जउन लड़का जानबूझ के बिटियन का परेशान करत है वहिके लाने एंटी रोमियो दल अच्छा हैं।
तरुण विकास संस्थान के कार्यकर्ता उमा कुशवाहा का कहब है कि पुलिस वाले लड़कन का पकड़ के वीडियो बनावे का कहत है अउर उनके बाप महतारी का बोलावे का कहत है युवा हमार देश मा भविष्य आय। एंटी रोमियो शब्द उलझावे वाला शब्द आय। हमार देश रीति रिवाज अउर परम्परा का देश है वहिमा या एंटी रोमियो अंग्रेजी शब्द कहाँ से आ गा है।
एंटी रोमियो का मतलब होत है प्यार न करे दे वाला,या शब्द बेतुका लागत है। जल्दी नियम लागू करे के चक्कर मा सरकार पुलिस वालेन का कउनौ ट्रेनिंग नहीं दीन आय लखनऊ के एक पार्क मा बिटियन के साथे बदसुलूकी कीन गे है
सबका साथ सबका विकास का नारा दे वाली भाजपा के नई सरकार का .का मा समझ मा अई कि सहमती से इश्क, सम्बन्ध दोस्ती अलग आय अउर सैक्स, बदसुलूकी अउर जबरजस्ती अलग आय।
मुख्य पर्वेक्षक अधिकारी एंटी रोमियो डा.राकेश कुमार मिश्रा का कहब है कि गैरकानूनी काम का रोके खातिर या कानून बना है। एंटी रोमियो मा जउन पुलिस है उनकर प्रशिक्षण दीन गा है। शासन से निर्देश से एंटी रोमियो दल बनावा गा है।

रिपोर्टर- मीरा देवी

Published on Apr 5, 2017