खबर लहरिया औरतें काम पर आये दिन मिलत जान से मारे खे धमकी

आये दिन मिलत जान से मारे खे धमकी

कौशिल्या

कौशिल्या

जिला महोबा, ब्लाक पनवाडी, गांव लोधीपुरा। एते की कौशिल्या खा गांव को ही गोकुल अहिरवार आये दिन जान से मारे खे धमकी देत हे। एई से परेशान हो के कौशिल्या ने एक महीना पेहले पनवाडी थाने मे दरखास दई हती। जीमे अभे तक कोनऊ कारवाही नई भई आय।
कौशिल्या ने बताओ कि में दलित जाति की हांे। मोओ आदमी शिवशंकर परदेश में रहत हे। में अकेले गांव में रह के आपन बच्चन खा लेके पेट पालत हों, पे गांव को ही रहे वालो गोकुल अहिरवार मोये घर खे सामने कछवारी लगा लेत हे। अगर में ओर मोये बच्चा ओते से निकरत हें तो गाली गलौज करत हे। अगर में ऊसे लड़त हों तो जान से मारे खे धमकी देत हे। में अकेले रहत हों कहूं सही में मोये बच्चन खा न मार देय। एई से एक महीना पेहले मेंने पनवाडी थाने में रिपोर्ट लिखाई हे, पे अभे तक कछू कारवाही नई भई आय।
गोकुल के घर में ताला लगो होय खे कारन ऊसे बात नई हो पाई हे।
पनवाडी थाने के एस.आई. प्रकाश दीक्षित ने बताओ कि धारा 151 (चालान) के तहत गोकुल खा 14 मार्च 2014 खा जेल भेज दओ हे। ंअब गोकुल कौशिल्या खा कभऊं परेशान न करहे।