खबर लहरिया चित्रकूट आधार कार्ड, लगावैं का परत चक्कर मा चक्कर

आधार कार्ड, लगावैं का परत चक्कर मा चक्कर

adhar card copyचित्रकूट जिला, ब्लाक कर्वी, कस्बा कर्वी के तहसील मा आधार कार्ड बनत हवैं। मड़ई आधर कार्ड बनवावैं खातिर अपने गांव से काम धंधा छोड़ के आवत हवै। यहिके बादौ बिना आधार कार्ड बनवाये लउटै का परत हवै। यहिसे उनके कइयौ काम रुके रहत हवैं। घुरेहटनपुर गांव के रनिया का कहब हवै कि बूढ़ औरत आहूं। या समय मोर उमे लगभग सत्तर साल के हवै। बिना लठिया लइके चलत नहीं बनत आय। गांव से अस्सी रुपिया लगा के आधार कार्ड बनवावैं चार दरकी आ चुकी हौं,पै अबै आधार कार्ड नहीं बना आय।
आधार कार्ड बनावैं वाले अखिलेश कहिन कि एक दिन मा लगभग सौ आधार कार्ड बनत हवैं। सुबेरे नौ बजे से दिन मा तीन बजे तक आधार कार्ड बनाये जात हवैं। भीड़ होय के कारन लउटैं का परत हवै।

रिपोर्टर – तबस्सुम