जिला बांदा, ब्लाक नरैनी, ग्राम पंचायत बदौसा, मजरा खटेहटा पुरवा। 13 मई का सपना के घर मा अचानक दुपहरी मा लाग आगी से वहिके पूरी घर गृहस्थी का सामान जल के राख होइगा। तबै से वा बहुतै परेशान है।
सपना बतावत है कि कउनौ घर मा नहीं रहा। बच्चा के तबियत खराब रहै तौ बदौसा दवाई करावैं चली गे रहौं। पता नहीं कसत घर मा आगी लाग कि कउनौ के न होय मा फइल के बहुतै बुरा रूप लइ लिहिस। जेहिसे मोर पूर गृहस्थी जल के राख होईगे। पास मा बन रहै नाला मा काम करै वाले मजदूर आग जलत देख के दउड़ परे अउर आगी बुझाइन पै सब घर तहस नहस होइगा अउर मोरे लपेट मा देवराज कुशवाहा का घर भी जल गा है।
प्रधान लाल चन्द्र का कहब है कि उनके मद्द खातिर कालोनी अउर 3 लाख रूपिया के मांग कीन है।
जिला पंचायत सदस्य असलम खांन उर्फ भाऊ का कहब है कि जबै आगी लाग है, तौ मैं मौके मा जा के देखे हौं अउर उनके खाना पानी के व्यवस्था कीन हौं। साथै जले घर गृहस्थी के फोटो खींच के फाइल तैयार कीन है। या फाइल का मुख्यमंत्री के लगे भेजा जई।
रिपोर्टर – नाजनी रिजवी