खबर लहरिया चित्रकूट अब तक जा चुकी हैं सात जानें फिर भी नहीं जागा प्रशासन, चित्रकूट जिले के खटवार गाँव का मामला

अब तक जा चुकी हैं सात जानें फिर भी नहीं जागा प्रशासन, चित्रकूट जिले के खटवार गाँव का मामला

जिला चित्रकूट, ब्लाक रामनगर, गांव खटवारा। बिजली विभाग के लापरवाही अउर अनदेखी गांव वालेन के ऊपर बहुतै मुसीबत बनी हवै काहे से हिंया 30 अप्रैल से अबै तक खम्भा मा करेंट उतरे से सात जान जा चुकी हवै पै बिजली विभाग वाले या घटना का दैवीय आपदा बतावत हवै
बिजली के करेंट से घायल भोला रोवत रोवत बताइस कि भइंस लइके हार गयें रहेंव मोर भइंस करेंट लागे से गिर गें रहै मैं भागेंव तौ गिर गयेंव मोहिका होश नहीं रहा आय बिजली के करेंट से मोर पूरा शरीर जल गा हवै अबै तक एक लाख पचहत्तर हजार के दवाई करा चुका हौं दवाई करावें से मोर बहुतै कर्जा होइगा हवै
भोला का लड़का बजरंगी बताइस कि दुई भइंस मरे से फ्यूज उड़ गा रहै तबै चरवाहन का उठा लायें हन तौ इनकर जान बच गें हवै फेर एम्बुलेंस से सोनेपुर लइ गये हन पुलिस मौके मा आई हवै राजकुमार बताइस कि बिजली विभाग के लापरवाही से अबै तक कइयौ घटना होइ चुकी हवै बिजली विभाग के उपखंड अधिकारी रामकुमार भारती का कहब हवै कि हमार गलती नहीं आय करेंट से जउन नुकशान भा हवै वहिकर मुआवजा दीन जई या दैवीय आपदा आय
रिपोर्टर-सहोद्रा

Published on Nov 27, 2017