अपहरण करै वाला मनई गिरफ्तार

जिला अम्बेडकर नगर, ब्लाक कटेहरी गांव कुडि़या चितौना। 14 साल के लड़की कै अपहरण करै वाले मनई का 2 अक्टूबर का गिरफ्तार कइके पुलिस जेल भेज दिहिन।
लड़की के पिता कै आरोप बाय कि हमरे लड़की का गांव कै सर्वेश कुमार उर्फ रमेश जबरजस्ती बहलाय फुसलाय के 25 सितम्बर का अपहरण कै लिहिन। काफी खोजबीन करै के बादौ पता नाय चला। अकबरपुर थाना मा तहरीर दिहन।
अकबरपुर थाना कोतवाली कै प्रभारी निरीक्षक योगेश शाह बताइन कि लड़की के पिता के तहरीर पै गांव के भगवानदीन बेटवा सर्वेश कुमार उर्फ रमेश वर्मा के खिलाफ मुकदमा अपराध संख्या 425/15 धारा 363, 366 (लड़की या महिला का अपहरण) आई .पी. सी. के तहत 2 अक्टूबर का गिरफ्तार कै लीन गै। लड़की बरामद करै के बाद न्यायालय मा पेस कइके लड़की कै मेडिकल परीक्षण करावा जात बाय। बयान दर्ज कइके कार्यवाही होये।