महोबा शहर, कोतवाली क्षेत्र के मुकेरीपुरा के मुहम्मद को आरोप हे की 18 अप्रैल खा पन्द्रह साल के लड़की के साथे मोहल्ला के मुहम्मद रमजान के लड़का शहीद ने बलातकार करो हतो। जीखी रिपोर्ट महोबा कोतवाली मे करी हती। मुकदमा लिखे के बाद पुलिस अपराधियन खा नई पकरत हे। जीसे परिवार वाले राजीनामा को दबाओ बनाउत हे। राजीनामा न करें पे 21 मई खा मारपीट करी हे। एई से हम परिवार के साथे न्याय पायें के लाने 24 मई से महोबा तहसील मे अनिश्चित काल के लाने धरना मे बेठे हे।
लड़की को बाप बताउत हे की 18 अप्रैल खा घर मे कोनऊ न हतो। तभई शहीद को लड़का मुहम्मद रमजान हमाये घर आके लड़की खा अपने घर लेवा गओ। ईखे बाद बलातकार करो हतो ओर कमरा मे बन्द कर दओ हतो। रमजान, शाहिद को भाई सरफराज ओर चाचा जुल्फवाद ने लड़की खा डराओ धमकाओ। साथे कोनऊ से बतायें ओर मुकदमा लिखायें पे जान से मारे की धमकी दई। हमने कोतवाली मे सबके खिलाफ दरखास दई। पुलिस से लड़की की डाक्टरी करा धारा 376, 342, 323, 504 506 आई.पी.सी व धारा 8 लैगिक अपराधी से बालको का संरक्षण अधिनियम 2012 के तहत मुकदमा लिखो हतो। पुलिस ने 16 मई खा शाहिद खा पकर जल भेज दओ हे। जीसे परिवार वाले आये दिन गाली गलौज करत हे। राजीनामा को दबाओ बनाउत हे। 18 मई खा शाहिद के परिवार वाले घर भीतर घुस के लाठी डण्डा से मारो हतो। अपने ब्लेड से हाथ काट लये हते। कोतवाली की पुलिस ओई से मिली हे कोनऊ जांच नई करी, मोये 151 के तहत चालान कर दओ हतो। शाहिद के परिवार वाले जान से मारे की धमकी देत हे। चार दिन से मे बच्च लये एते ओते भटकत हों। डर के कारन घर तक नई जात हे। एई से हम 24 मई से परिवार के साथे धरना मे बेठे हे।
महोबा कोतवाली को दरोगा कहत हे की जांच चलत हे धरना के बारे मे मोये जानकारी नइयां।
रिपोर्टर – सुनीता प्रजापति