नाली टूटै के अभाव मा बन्द नलकूप

taza fainal 1 copyजिला फैजाबाद, ब्लाक तारुन, ग्रामसभा सराय मनोधर। यहि गांव मा दुई सरकारी नलकूप लाग बाय। नाली टूटै के कारण दुइनौ नलकूप बन्द अहैं। जेसे मनइन का सिंचाई करै के ताई काफी दिक्कत कै सामना करै का परत बाय। यतनी गर्मी मा हर हफ्ता
पानी फसल का चाही लकिन विजली से पानी पूर नाय होय पावत बाय।
गांव कै सुमिरन, प्रेमवती अउर दिनेश कै कहब बाय कि सरकारी नलकूप कै नाली तीन चार साल से ज्यादा होइगा टूट बाय। खेतन तक पानी नाय पहुंचत। सिर्फ सरकारी नलकूप के आस पास ही नाली बची बाय बाकी कै पतै नाय सब टूटिगै। पहिले के जमाना मा सरकारी नलकूप के अलावा अउर कउनौ साधन सिंचाई कै नाय रहा। अब मनइन के इंजन अउर विजली के साधन होइगै तौ सरकारी नलकूप कै कउनौ महत्व नाय रहि जात बाय। यही से जल्दी मरम्मत नाय हुवत। लकिन हर केहू के पास निजी साधन नाय बाय। उनका सरकारी साधन या फिर दुसरेन कै सहारा बाय।
प्रधान मीनाक्षी पाण्डेय बताइन कि विभाग मा सूचना दीन जाथै। मरम्मत करावै कै आश्वासन मिलाथै वकरे बाद कुछ नाय हुवत।