खबर लहरिया बाराबंकी बुनियादी सुविधाओं के लिए आस लगाये बैठी बाराबंकी की दलित बस्ती

बुनियादी सुविधाओं के लिए आस लगाये बैठी बाराबंकी की दलित बस्ती

जिला बाराबंकी, ब्लाक हैदरगढ़, गाँव गनेशीपुर के पचास घर कै दलित बस्ती विकास के राह मा बाय। कब मिले एहि गाँव के मनई का सुबिधा।
हनुमान कै कहब बाय कि गाँव मा लगभग साठ घर बाय नाली, नल, बिजली हर चीज कै समस्या बाय। ना ही निकरै कै जगह बाय। रामोदेय के कहब बाय कि ना पानी बहै कै जगह बाय न आवै जाय के ताई सड़क। जगह-जगह पानी भरा रहाथै वही से तमाम तरह कै बिमारी फैलाथै।प्रधान लिखके दे दियाथिन कि एहि गाँव मा हर सुबिधा बाय जेसे कउनौ सुबिधा नाय मिलत।
श्याम लाल कै कहब बाय कि गाँव मा नाली, खडंजा अउर गली के विकास होय जाय।नल लाग जाय समझा हर विकास होइगा।लकिन केहू सुनत नाय। पांच पीढ़ी होयगए बिजली नाय बाय।
राजरानी कै कहब बाय कि गाँव मा पानी बहै कै जगह नाय बाय। पानी बहै के ताई पडोसी मारे रहे।
प्रधान सुशील कुमार कै कहब बाय कि अपने ग्रामपंचायत कै कार्य योजना बनायके खंड विकास अधिकारी का भेज देहे हई। जैसे बजट आये काम कराय जाये।सबसे पहले स्वच्छता अभियान के तहत नाली पूरे गाँव मा बने।हैडपंप हमरे अन्दर नाय आवत लकिन हम सांसद से मांग करे हई। उम्मीद बाय4-5 महीना मा हैंडपंप लाग जाये।बिजली विभाग वाले कहे अहैं कि बिजली पूरे गाँव मा जल्दी लाग जाये।

रिपोर्टर- नसरीन

Published on Mar 31, 2017