ना पढ़ाई ना पंजीरी बाराबंकी के मोहम्मदपुर गाँव के आंगनवाड़ी में

जिला बाराबंकी, ब्लाक हैदरगढ़, गांव मोहम्मदपुर मा आंगनबाड़ी सही से न चलै कै बात सामने आय बाय। गांव वाले कै आरोप बाय की न सही से पढ़ाई हुवे न ही दुई तीन महीना से गेदहरन का पोषाहार दिया जात बाय। अगर शिकायत कीन जाय तौ उल्टा आंगनबाड़ी कार्यकर्ता हमरे सबके ऊपर गुस्सा देखावाथिन।
हमरे सबके बात का गलत बतावाथिन।अउर कहाथिन की सरकार के तरफ से पैसा नाय मिलत बाय तौ कहाँ से पोषाहार दी।गर्भवती मेहरारू पूजा अउर उनके सास कै आरोप बाय किएक महीना मा एक ब़ार पंजीरी मिली रही बाकी कउनौ सुविधा नाय मिलत।कहाथिन कुछ आवत नाय बाय।
चन्द्रकुमार कै कहब बाय की पूरी जिम्मेदारी आंगनबाड़ी कै आय काव दिये का चाही काव नाय। पर वै अपने जिम्मेदारी से मुकर जाथिन। कहाथिन कउनौ सुविधा नाय आवति बाय तौ कहाँ से दी।
दामिनी अउर प्रीती यादव कै कहब बाय कि कुछ भी सुविधा के ताई आवाज उठावै तौ गुस्सा होय जाथिन। कहाथिन कुछ न मिले। सरकार जवन दियत बाय सब खाय जात हइन। छह छह महीना होई गा
रिपोर्टर- मनीषा और नसरीन