खबर लहरिया चित्रकूट चित्रकूट में 24 घंटे बिजली सप्लाई का वादा कर गए योगीजी रामपुर गाँव में कब होगी रौशनी?

चित्रकूट में 24 घंटे बिजली सप्लाई का वादा कर गए योगीजी रामपुर गाँव में कब होगी रौशनी?

जिला चित्रकूट, ब्लाक रामनगर, गांव रामपुर। हिंया दुई महीना पहिले बिजली के कनेक्शन तौ कीन गें पै बिजली आज तक नहीं जली आय। आजादी के सत्तर साल बादौ या गांव मा बिजली नहीं आय मड़ई अंधेरे मा रहै का मजबूर हवैं।
राजेश कुमार मौर्य बताइस कि पहिले आधे गांव मा बिजली लाग रहै अब पूर गांव मा खम्भा गड़ गें हवै। मड़इन के घरन मा कनेक्शन तौ कइ दीन गें हवैं पै मेन  खम्भा से तार नहीं जोड़े गें आहीं। जेहिसे मड़इन के घरन मा अबै भी बिजली नहीं जलत आय। मुख्यमंत्री जउन कम्प्यूटर बंटवाइस रहै बिजली न होने से सब रखे रहत हवै बिना चार्ज के सब बेकार हवै।
सुखलाल अउर बड़कू बताइस कि अंधेरे मा रहित हवै।शादी ब्याह  में गैस अउर मिटटी का तेल जला के काम चलाइत हवै।बाल गोपाल बताइस कि टार्च जला के पढ़ाई करित हवै।पचास रुपिया लीटर मिटटी का तेल खरीदित हवै लालटेन मा जलावै खातिर।
सांसद प्रतिनिधि सुनील दिवेदी का कहब हवै कि अबै बिजली का पहिले चरण का कीन गा हवै।बिजली एजेंसी तेजी से काम करत हवै। 2022 तक सबै गांवन मा बिजली लाग जई। रामपुर गांव मा जल्दी बिजली सप्लाई कीन जई।

बाईलाइन-सहोद्रा

Published on Nov 9, 2017