हमरे गांव मा कुछौ विकास नहीं आय। सड़क, नाली अउर बिजली जइसे समस्या से आज भी जुझत हवैं।विकास के आसरा मा बइठ गांव के मड़इन का आश्वासन बस मिलत हवैं। या कहब आय चित्रकूट जिला, ब्लाक मऊ, गांव सेमरा मा रहै वाले चन्द्रबली का। या समस्या के बारें मा प्रधान प्रतिनिधी विजय कुमार का कहब हवै कि बिजली लागे के मंजूरी तौ मिल गे हवै, पै विकास के काम के खातिर अबै रुपिया नहीं आवा आय।
बंशीधर पाठक का कहब हवै कि एक दरकी सड़क बनाई गे रहै तौ धंस गे हवै अउर सगले कीचड़ भरा रहत हवै। नाली नहीं बनीं आय यहै कारन घरन का पानी सड़क मा भरा रहत हवै जेहिसे स्कूली बच्चा कीचड़ मा गिर जात हवैं। एक दरकी बिजली के खम्भा गाड़े गे रहै पै आंधी आवे मा सब टूट-फूट गे हवै।
प्रधान अउर अधिकारी बहाना बना के विकास नहीं करावत आहीं। लाल बताइस कि गांव मा विधायक आ चुके हवै पै सब देख के चले जात हवै, कउनौ ध्यान नहीं देत आहीं। विधायक आर के पटेल का कहब हवै कि पंडित दीनदयाल उपाध्याय योजना कइत से हमार सरकार बिजली लागे का काम जल्दी पूर करवई। विकास का काम ग्राम पंचायत कइत से होत हवै।
रिपोर्टर-सुनीता देवी
Published on Jan 10, 2018
