पहचान पत्र
जिला सीतामढ़ी, प्रखण्ड बथनाहा, पंचायत रूपौली रूपहरा, गांव धुम नगर कोइली। उहां लगभग दु साल से दस लोग के नाम वोटर लिस्ट में गरबर हई।
उहां के लोग तबसुन खातुन, दुःखा राम, राम बाबू सब कहलथिन कि हमरा सब के नाम सही हई लेकिन फोटो में गरबरी हई। ऐई से हमसब बरा परेसान छी। कयला कि सब जगह पहचान पत्र के मांग होई छई। अगर नाम हमर सब के अउर फोटो दोसर के रहतई तब केना होतई जेई कारण होय वला काम भी न होई छई। अगर मजदुर दोसर शहर में कमाय जतई ट्रेन में पहचान पत्र मंगई छई त उहां गलत पकरतई तब कि होतई? हमसब केते बेर नाम सही करवइली लेकिन तइयो न ठिक भेल। बुथ संख्या दु सौ छबीस के बी.डी.ओ शिला देवी कहलथिन कि बि.डि.ओ. हमरा सब के 17 जुलाई 2013 के नाम जोरे के विधि अउर आठ नम्बर फर्म देलथिन अउर सब के घरे-घरे जाके फोटो के साथ नाम जोरे ला कहलथिन। उनके आदेश के अनुसार हम काम कइलीह। हमरा बुथ पर कुल तीन सौ साठ लोग के नाम सही भेलईह।
मुखिया श्री कान्त उर्फ ब्बलू कुमार सिंह कहलथिन कि नाम त सुधार आँगनबाड़ी सेविका कर रहल छथिन। प्रखण्ड विकास पदाधिकारी मोहम्मद कलामुदीन कहलथिन कि वोटर लिस्ट के सुधार पुरे बिहार में हो रहल हई अउर इ काम अगस्त 2013 तक चलतई। एई वोटर लिस्ट पर सब के फोटो नाम के साथ रहतई।