हैण्डपम्प के करत मांग

जिला चित्रकूट, ब्लाक मऊ कस्बा बरगढ़। महाबांभन टोला। हिंया सौ घर के मड़ई दुइ पीढ़ी से हैण्डपम्प न होय से पानी खातिर आधा किलो मीटर दूर कुंआ से पानी भरत हवंै।
हिंया के पलटू अउर कुन्नू समेत लगभग दस जन का कहब हवै कि बस्ती मा दुइ पीढ़ी से हैण्डपम्प नहीं लाग आय। हमै पानी पियै खातिर बहुतै परेशानी आवत हवै। काहे से हमार छोट-छोट बच्चा स्कूल जात हवैं तौ नहाये मा स्कूल जाये का देर होइ जात हवै। यहै से हम सोचत हन कि एक हैण्डपम्प लाग जात तौ नींक होत कुंआ का गंदा पानी पियै से सबै का बिमारी होइ जात हवै। अगर एक हैण्डपम्प लाग जात तौ सबै समस्या से ना जूझै का परत।
मऊ सहायक विकास खण्ड अधिकारी बिन्दा प्रसाद का कहब हवै। कि अबै नये हैण्डपम्प नहीं आय। जबै सांसद अउर विधायक के कोटा से अई तौ हैण्डपम्प लगवा दीन जई।