हर समय पानी का तरसत मड़ई

चित्रकूट जिला मा पांचै ब्लाकन के गांवन मा अगर पानी से जुड़ी समस्या का लइके बात कीन जाये तौ या बात गलत नहीं आय। गांव मा कत्तौ हैण्डपम्प नहीं लाग तौ कत्तौ का हैण्डपम्प खराब। या फेर हैण्डपम्प मा चरही नहंी बनी आय। या कारन मड़ई पानी खातिर कइयौ पीढ़ी से परेशान रहत हवैं।
कुछ यहिनतान के समस्या ब्लाक पहाड़ी, मऊ ब्लाक का ढरकन पुरवा अउर अहिरी गांव के पुरवा बालापुर मा हवै। का पानी से जुड़ी समस्या का खतम करैं खातिर जिम्मेदारी प्रधान के नहीं आय? या यहिके बारे मा प्रधान का कउनौ चिंता नहंी रहत आय। जबै कि प्रधान गांव का जिम्मेदार मड़ई होत हवै। वहिका मड़इन के समस्या खतम करैं के कोशिश करैं के जरूरत हवै।
यहिके खातिर प्रधान का ब्लाक मा बी.डी.ओ. अउर जल निगम मा समस्या का बतावैं के जरूरत हवै। गांव के जनता भी प्रधान से उम्मीद राखत हवै कि प्रधान हमार समस्या का खतम करी। यहै से प्रधान का आपन विश्वास जनता के बीच बनावै के जरूरत हवै।
का जल निगम वालेन का सरकार बजट नहीं देत आय। या विभाग वालेन का हैण्डपम्प लगावैं के जिम्मेदारी नहीं देत आय। जबैकि नियम मा हवै कि विभाग वालेन का हर समय या देखै के जरुरत हवै कि कहां का पानी से जुड़ी समस्या हवैं। उंई या समस्या का खतम करै। तबहिने पानी के परेशानी खतम होइ।